زانستى نوێ بۆ كورد

كۆمپانیایه‌كى به‌ناوبانگى ژاپۆنى له‌م دوایه‌دا مۆبایلێكى پێشكه‌وتووى به‌رهه‌م هێناوه‌ كه‌ ده‌توانێت ده‌رگایه‌كانى هه‌موو جۆره‌ ئۆتۆمبێلێك بكاته‌وه‌ ، سه‌ره‌رای ئه‌وه‌ش له‌ توانایدا هه‌یه‌ بزوێنه‌رى ئۆتۆمبێل ئیش پێ بكات ، به‌بێ ئه‌وه‌ى پێویستى به‌ كلیلى تایبه‌تى هه‌بێت .
 

 

 

 

 

زانایان ڕایانگه‌یاند كه‌ ئه‌م مۆبایله‌ له‌لایه‌ن كۆمپانیاى "شارب كوربورایشن" دروستكراوه‌ ، وه‌ پێشتریش له‌لایه‌ن كۆمپانیاى پێشكه‌وتووى نیسان مۆتور به‌كارهێنراوه‌ .

هه‌روه‌ها كۆمپانیایه‌كه‌ ناوى "كلیلى چاڵاك"یان له‌ مۆبایله‌كه‌ هێناوه‌ كه‌ رێگه‌ به‌ شوفێر ده‌دات بچێته‌ ناو ئۆتۆمبێله‌كه‌و به‌كاربخات ، به‌بێ ئه‌وه‌ى پێویستى به‌ كلیلى تایبه‌تى هه‌بێت .

كۆمپانیاى نیسان ئاماژه‌ى به‌وه‌دا كه‌ دروستكردنى ئه‌م مۆبایله‌ به‌ پێشكه‌وتووترین ته‌كنه‌لۆجیا داده‌نرێت كه‌ له‌لایه‌ن كۆمپانیاى "NTT DoMo Inc" به‌رهه‌م هێنراوه‌ كه‌ به‌ پێشكه‌وتووترین كۆمپانیاى دروستكردنى مۆبایل داده‌نرێت له‌ ژاپۆن .

زیاتر له‌وه‌ش ئه‌م مۆبایله‌ زۆر مواسفاتى تری تێدایه‌ ، وه‌ك كامێراو گۆرانى تۆماركردن و به‌ستنه‌وه‌ به‌ ته‌له‌فزیونه‌وه‌ .